जून, २६ तारिख तेन्रिक्यो प्रधान कार्यालयको मासिक पूजा सकेपछि मुख्य मन्दिरका भित्री आँगनमा ७० औं योकोजुना, हारुमाफुजिको ‘डोह्योइरि’ अर्थात् सुमो खेलको उद्घाटन समारोह परमेश्वर जनक-जननीसमक्ष  प्रदर्शन गरिएको थियो ।
पानी परिराखे तापनि योकोजुनाको शक्तिपूर्ण प्रदर्शन एकछिन भए पनि हेरूँ भन्ने अनुयायीहरूले भित्री आँगन भरिएको थियो ।
योकोजुना, हारुमाफुजिले ‘अबदेखि पनि सबैलाई खुसी पार्नका लागि सुमो खेल्न कोसिस गर्नेछु ।’ भनेर हँसिलो अनुहारले बताएका थिए ।

संसारका मुख्य धार्मिक सम्प्रदायहरूका वरिष्ठ गुरुहरू भेला भई विश्व शान्तिका लागि प्रार्थना गर्ने कार्यक्रम ‘विश्व-शान्ति प्रार्थना सभा’ (प्रयोजक : इसाई एजिडियो संयुक्त सङ्घ र रोम क्षेत्रीय विभाग) सेप्टेम्बर २९ तारिखदेखि अक्टोबर १ तारिखसम्म इटालीको रोममा सम्पन्न भएको थियो ।
त्यस सभामा तेन्रिक्योको तर्फबाट रेभ.योसिहिको सिरोकिहारा (प्रधानकार्यालयका वरिष्ठ गुरु), रेभ.योसिहिसा हासेगावा (तेन्रिक्यो युरोप प्रचार केन्द्र प्रमुख) आदि जम्मा ७ जना उपस्थित भएका थिए । त्यस सभामा “‘आशा’ले भरिपूर्ण उत्साह” भन्ने नाराअन्तर्गत गोष्ठीमा छलफल गरिएको थियो । रेभ.सिरोकिहाराले ३० तारिख बिहानको विभाजित बैठक ‘आशा र विश्व-शान्ति : जापानका विभिन्न धर्महरू’मा भाषण गरेका थिए । उनका भाषणमा दैवी शिक्षामा आधारित ‘विश्व-शान्तिप्रतिको दृष्टिकोण’माथि प्रकाश पारेका थिए ।