Noong ika-18 ng Abril ay ipinagdiwang ang  ika-215 na kaarawan.ng Walang Hanggang nabubuhay na Si Oyasama sa Punong Himpilan at Santuwaryo ng Tagapagtatag na pinangungunahan ni Shinbashira, ang Punong Haligi,

Sa araw na ito, mahigit kumulang 67,000 na katao mula sa iba`t ibang rehiyon ng bansang Hapon at 19 na iba`t ibang bansa.ang nagsiuwian at nagtipon-tipon sa Jiba.

Pagkatapos ng Paglilingkod ay idinaos ang “Malaking Koro ng Kaligayahan” sa loob ng hardin ng Punong Himpilan. Umawit ng sabay-sabay para sa pagdiriwang sa Kaawaran Ni Oyasama at nabalot ng kaligayahan ang buong kapaligiran ng Shinden.

Noong ika-11 ng Marso, ipinagdiwang ang ika-apatnapung taon ng Tenrikyo Center sa Colombia (sa Lungsod ng Cali na kasalukuyang pinamumunuan ni Rev. Naotaro Shimizu) na dinaluhan ni Shinbashira-sama.

Ang bilang ng mga dumalong Yoboku at tagasunod sa seremonyang iyon ay humigit kumulang 420 katao.

Sa loob ng pamamalagi niya roon ay nilibot niya ang mga simbahan at mission stations sa bansang Peru at Colombia.

Panahon na ng pag-alis ng maagang tagsibol sa Oyasato.

Ipinagdiriwang ng bawat paaralan ng Tenrikyo ang mga Araw ng Pagtatapos mula Pebrero hanggang Marso…

Ang mga sumusunod ay mga araw at mga bilang ng mga taong magsisipagtapos.

Pebrero 22 Tenri High School (Day and Evening Course), 507 katao

Pebrero 23 Tenri Kyoko Gakuen High School, 204 katao

Marso 7 Paaralan ng Nursing sa Tenri, 64 katao

Marso 8 Tenrikyo language Institute, 58 katao

Marso 9 Seminaryo ng Tenri, 92 katao

Marso 9 Paaralan ng Medisina sa Tenri, 37 katao

Marso 10 Tenri Junior High School, 197 katao

Marso 18, Tenri Kindergarten

Marso 20, Tenri Elementary School

Marso 22, Tenri University

1 taon na ang lumipas mula ng naganap and malaking lindol sa Silangang Japan.

Ang napakalamig na apektadong lugar na ito ay nangangailangan pa rin ng maraming suporta upang ganap na makabangon muli.

Sa ganitong kalagayan, noong ika-30 at ika-31 ng Enero, ang [Komiteng sumusuporta sa nasalanta ng lindol sa Silangang Japan] (na pinamumunuan ni Yoshitaro Ueda) ay kinatawan ni Toru Haruno, isang kalihim-heneral, at nagpunta sa mga lugar na apektado ng nuclear na aksidente lalo na sa mga lugar ng Fukushima at Ibaraki.

Inikot nila ang bawat lugar at iniabot ang donasyong nagkakahalaga ng 120 milyon yen mula sa suportang natanggap mula sa mga tagasunod ng Tenrikyo.

Dahil dito, ang kabuuang halaga ng donasyon na natanggap ng nasalantang lugar ay umabot na sa 450 milyon yen kabilang na ang relief money.

Nagtipon ang mga pinuno ng iba’t ibang mga relihiyon mula sa buong mundo upang dumalo sa Internasyonal na Pagtitipon para sa Pagdadasal sa Kapayapaan na ginanap sa Munich, Germany mula ika-11 hanggang ika-13 ng Setyembre.