Sa ilalim ng temang “Ipalaganap ang Kasiyahan! Magtulungan!” ay nag- umpisa noong ika- 26 ng Hulyo ang ika-180 selebrasyon ng KOG, at nagtapos naman ito noong ika- 4 ng Agosto. Ang sampung araw na selebrasyon ay dinaluhan ng humigit kumulang 231,012.

Kakapasok pa lamang ang buwan ng Hulyo ng salantain ng malakas na pag- ulan ang Hilagang Kyushu. Ang malakas na pag- ulan ay nagdulot ng pagbaha at pagragasa ng putik sa hindi lamang sa Hilagang Kyushu, kundi pati na rin sa Lalawigan ng Oita at Lalawigan ng Fukuoka. Tinatayag umabot sa 100 mga kabahayan at 30 mga gusali ang tuluyang nawasak, at tinataya namang 650 pang gusali ang bahagyang nawasak. Bilang tugon sa pangyayaring ito, ang grupo ng mga kalalakihan na tumutulong sa tuwing may sakuna (Hinokishintai) na nakabase sa Fukuoka ay agad na nagtungo sa mga nasalantang lugar noong ika- 11 ng Hulyo. Isa sa kanilang ginawang hakbang ay ang pagtanggal ng mga nakahambang  mga kahoy at semento. Nanguna rin sila sa pagsu-supply ng tubig sa mga residente.

Noong ika- 9 ng Hulyo ay masayang ipinagdiwang ng Oceania Center ang kanilang ika- 20 anibersaryo. Ito ay pinangunahan ni Shinbashira, ng kanyang asawa, si Ginang Harue Nakayama at tagatalagang tagapagmana na si Ginoong Daisuke Nakayama. Dinaluhan ang paglilingkod ng mga tagasunod mula sa tatlong malalaking lungsod ng Australia; ang Brisbane, Sydney at Melbourne. May mga tagasunod din na dumalo mula sa bayan ng Auckland, New Zealand, mga 2300 kilometro ang layo mula sa mismong opisina ng Oceania Tenrikyo Center. Humigit kumulang 160 tagasunod ang dumalo sa paglilingkod at nakinig sa talumpati ng Shinabashira. Pagkarinig ng talumpati ng Shinabashira, lahat sila ay nangako na mas pagpapaibayuhin pa ang pagpapalaganap ng aral ng Tenrikyo sa buong rehiyon.

Noong ika- 18 ng Hunyo, ang Shinabashira at ang kanyang magbahay na si Ginang Harue Nakayama ay dumalo sa paglilingkod na ginawa na Tenrikyo Mission Headquarters ng Taiwan. Ang paglilingkod na ito ay upang italaga si Ginoong Koji Masui bilang ika- 15^th tagapamahala. Ang paglilingkod ay dinaluhan ng humigit kumulang 640 na tagasunod mula sa iba’t- ibang lugar ng Taiwan.

Noong ika- 20 ng Mayo ay ipinagdiwang ng Samahan ng mga Nakakabatang Kalalakihan (Young Men’s Association) ng Tenrikyo Hawaii ang kanilang ika- 100^th Anibersaryo, Kasabay nito ay ang pagdiriwang din ng ika- 60^th Pagtitipon ng Hawaii Chapter na dinaluhan din ni Ginoong Daisuke Nakayaman.

Ginanap ng Samahan ng mga Kababaihan ng Tenrikyo ang kanilang ika- 99 na pagtitipon sa bakuran ng Punong Simbahan ng Tenrikyo noong ika- 19 ng Abril. Ito ay ginanap pisang araw pagkatapos ng Paglilingkod para sa Selebrasyon ng Kaarawan ni Oyasama. Ito ay dinaluhan ng humigit kumulang 37,00 na miyembro.

Para alalahanin ang ika- 219^th na kaarawan ng walang hanggang nabubuhay na si Oyasama, ginanap ang Paglilingkod para sa Selebrasyon ng Kanyang kaarawan noong ikaw- 18 ng Abril. Ginanap ito sa Pangunahing Sanktuaryo ,ang Shinden at sa Santuaryo ng Tagapagtatag, ang Kyosoden. Pinagunahan ito ni Shinbashira at dinaluhan ng humigit kumulang na 60,000 katao mula sa iba’t- ibang lugar sa Japan at sa buong mundo.

Ang Kurso para Pagsasanay ng mga Estudyante sa Pamamahala ng College Disivion ngayong taon ay ginanap sa Tahan ng Magulang noong Marso 3- 9. Sa kabuuan, 516 na mga mag-aaral mula unibersidad, kolehiyo, graduate school at technical school na nagmula pa sa iba’t- ibang lugar ang nagtipon- tipon at sumali sa kursong ito. And isang linggong pagsasanay na ito na binubuo ng aralin, pag- eensayo ng sayaw (Otefuri) at musical instrument (Narimono) para sa paglilingkod, mga gawaing hinokishin, grupong talakayan at iba pa. Sa pamamagitan ng mga ito ay mas lalong napatatag ang paniniwala at pagkakaibigan ng bawat isa.

Ang Sechi Festival, na ginaganap taon taon sa Tahanan ng Magulang ay ginanap noong Enero 5- 7. Ang pagdiriwang na ito ay unang isinagawa noong si Oyasama ay nabubuhay pa. Sa tatlong araw na pagdiriwang, maraming mga pamilya at mga manlalakbay mula sa iba’t- ibang lugar sa Japan ang pumupunta sa Jiba.

Ang Tenrikyo Nepal Renrakusho ay nagkaroon ng paglilingkod para sa kanilang ika- 50th Anibersaryo, ito ay dinaluhan ni Shinabashira, ng kanyang asawa at ang nakatakdang tagapagmana na si Daisuke Nakayama. Ang nasabing paglilingkod ay dinaluhan ng 250 katao.

Kung matatandaan, isang malakas na lindol ang dumama sa Nepal noong Abril 2015. Sa kabila ng hirap na dinanas ng mga tao dahil sa lindol, hindi parin natinag ang lahat na magpursigi at magsalba ng iba sa mga taon bago ang ika- 130th na Anibersaryo ni Oyasama.

Noong araw ng mismong paglilingkod, isinapuso nila ang mga salita ni Shinbashira at nangakong mas palalawakin pa ang Tenrikyo sa buong Nepal.