सेप्टेम्बर १८ देखि २० सम्म इटलीको असिजिमा धर्म उपदेशक विश्वशान्ति सम्मेलनको अायोजना गरिएको थियो । सन् १९८६ देखि निरन्तर अायोजना गरिंदँ अाएको यो सम्मेलन ३०अौं पटक पुगेको छ । संसारका विभिन्न स्थानबाट करिब ५०० जना सहभागी भएको यस सम्मेलनमा तेन्रिक्योबाट जेन्सुके नाकाता प्रशासकीय कार्यालय प्रमुख निर्देशक, इकुओ हिगासिबाबा तेन्रि विश्वविद्यालय उपकूलपति तथा योसिहिसा हासेगावा तेन्रिक्यो यूरोप प्रचार केन्द्र प्रमुख अादि पनि उपस्थित भएका थिए । विश्वशान्ति स्थापना भन्ने नारा अंतर्गत विभिन्न विचार गोष्ठीको अायोजना पनि गरिएको थियो । नाकाता प्रशासकीय कार्यालय प्रमुख निर्देशकले पनि यस मार्गको शिक्षाबारे दर्शाउँदै अानन्दी जीवनको संसार साकार गर्ने सङ्कल्प व्यक्त गरेका थिए ।